صب دمعي على الوجنات ياهل
أوماتدرون بيا اشصار ياهل
صرت عصفور جني بيد ياهل
أهو يلعب وانا اشنون بيه
لويت الدهر مافد يوم حنيت
وديا من دموع العين حنيت
ييمه اوداعتج هاليوم حنيت
أوشلت نار الدمع بجفوف أديه
أنا ابميزان الهوى عاني كفاني
أوحي لاتحسب العاشق كفاني
أناتبت قلت الدي بيا كفاني
أنا شجاني اوعاودة سوده عليه
لان كلبي نبع صافي وردهه
شلون تغيب وانته اسمك وردهه
واردلك بالشعر غصبن عليه
لساني كبالك يا حلو لك لك
جم مرة اكلك لاتكول لك لك
اليه انته وماتصير الغيري لك لك
ليش اتبيع مالاتي عليه
عساهه بكلب دنيانه وكلبين
اريد الهه جسم صاحي وكلبين
اشو الحلوات شافني وكلبن
يجوز من الكبر بين عليه
كلبي صار بسمك يعني مالك
وشنهو اللي بقالك عندي مالك
عشت بقصر حبك وانته مالك
ورضيت بجورك وضلمك عليه
موضوع: عليك الروح تجذبني واردهه 
